Faktaboks

Marit Berger Røsland
Fødd
21. september 1978, Fet, Akershus
Marit Berger Røsland
Av /UD.

Marit Berger Røsland er ein norsk jurist og politikar for Høgre. Ho var EU- og EØS-minister i 2017–2018.

Bakgrunn

Marit Berger Røsland er fødd i Fet (no Lillestrøm) i Akershus. Ho fullførte International Baccalaureate på Lillestrøm videregående skole i 1997. I 2006 blei ho cand.jur. ved Universitetet i Oslo. Ho har ardbeidd som advokat i advokatfirmaet Wiersholm og var i 2010 dommarfullmektig i Oslo tingrett. Ho er gift med Stian Berger Røsland.

Politisk karriere

Røsland var tidleg politisk engasjert, og ho blei som 19-åring medlem av Akershus fylkesting for perioden 1997–2000. Ho var politisk sekretær for Oslo-ordførar Per Ditlev-Simonsen i 2000–2001. I perioden 2000–2002 var ho nestleiar i Unge Høgre. I 2003–2005 var ho politisk rådgivar for utanriksminister Jan Petersen. I 2003–2007 var ho medlem av Oslo bystyre.

I 2014 blei Røsland utnemnd til statssekretær for statsminister Erna Solberg. Frå 2015 var ho statssekretær i Justis- og beredskapsdepartementet, og i 2016 blei ho statssekretær i Utanriksdepartementet. Frå 20. oktober 2017 til 17. januar 2018 var ho statsråd for Europa- og EØS-saker i Utanriksdepartementet. Ho måtte gå av da regjeringa blei utvida og Venstre kom inn i regjering.

Ho blei statsråd i ei nyoppretta stilling som EU- og EØS-minister. Som følge av Brexit argumenterte regjeringa Solberg for at det var særleg viktig å halde på ein eigen statsråd for dette området, for å sikre norske interesser i europapolitikken.

Les meir i Store norske leksikon

Eksterne lenker

Litteratur

  • Hallvard Notaker: Høyres historie 1975–2005. Opprør og moderasjon. Oslo 2012

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg