Maria Berg Reinertsen er ein norsk journalist og prislønt forfattar med utdanning som samfunnsøkonom.
Maria Berg Reinertsen
Forfattarskap
Reinertsen debuterte som sakprosaforfattar med Ligningen for lykke. Tallene, tankene og tilfeldighetene bak den rådende økonomiske fornuft (2010). Allereie med debuten kjente ein att Reinertsens språk og stil. Tidsskriftet Prosa sin meldar oppsummerer Reinertsens litterære tilnærming til samfunnsvitskapen som «essayistisk, undrende, personlig og lett slentrende, til tider ganske fantasifull.»
For den tredje boka si, Veien til Bretton Woods. Begynnelsen på verden av i går, mottok ho både NTNUs litteraturpris og Språkrådets Norsk språkpris. Reinertsen er ein populær litteraturformidlar med lang røynsle frå scenene til Morgenbladetsalongen, Norsk Litteraturfestival Lillehammer, Sakprosafestivalen og fleire.
Journalistikk
Reinertsen hadde vore spaltist i Klassekampen ei stund før ho i 2005 fekk jobb i Morgenbladet. Der har ho arbeidd sidan. Reinertsen jobbar i samfunnsredaksjonen, og skriv særleg om samfunnsøkonomi.
Prisar
- 2014: Bokhandelens sakprosapris for Henriette Schønberg Erken : en norgeshistorie sett fra kjøkkenbenken
- 2018: Språkrådets språkpris for Reisen til Bretton Woods. Begynnelsen på verden av i går
- 2018: NTNUs litteraturpris for Reisen til Bretton Woods. Begynnelsen på verden av i går
Utgjevingar
- Reisen til Bretton Woods. Begynnelsen på verden av i går (Sakprosa, Cappelen Damm, 2017)
- Henriette Schønberg Erken : en norgeshistorie sett fra kjøkkenbenken (Sakprosa, Cappelen Damm, 2013)
- Ligningen for lykke. Tallene, tankene og tilfeldighetene bak den rådende økonomiske fornuft (Cappelen Damm, 2010)
Litteratur
- Asdal, Kristin: "Ikke et tall for alt" Prosa #3/ 2010
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.