Flatdøla er ei elv i Seljord kommune, Telemark. Elva har sine kjelder i fjella lengst nord i kommunen, nær Møsvatn i Rauland. Herifrå renn ho gjennom Åmotsdal som Åmotsdalsåi, og tek frå vest opp Mandalselvi som kjem frå Sundsbarmvatn.
Ytst i Flatdal munnar Flatdøla ut i innsjøen Flatsjå. Herifrå renn ho som Vallaråi ut i nordenden av Seljordsvatnet ved Seljord sentrum. På ein fire kilometer lang strekning ovanfor Flatsjå er elva kanalisert og elvesletta Øyan drenert for jordbruksformål.
Saman med delar av Øyfjellsvassdraget i Tokke er Flatdølas tilløp utnytta i Sundsbarm kraftverk, som har ein installert effekt på 111 MW og som i 2016 hadde ein produksjon på 456 GWh.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.