Maja – og stavevarianten Maia – er eit kvinnenamn som kan vere nordisk barnespråksform av Maria. Maia er dessutan eit gresk gudinnenamn (gudinne for fruktbarheit), og mai månad er oppkalla etter henne.
Namnet har fleire variantar: Maia, Maja, Maya.
Maja
Personar med namnet Maja
Kulturell bruk
- Maja i «Når vi døde vågner» (1899) av Henrik Ibsen.
Kjende personar med namnet Maja
Eit utval personar med namnet Maja, og som er omtalt i Store norske leksikon:
- Lasse-Maja (1785)
- Maja Refsum (1897)
- Maja Mikhajlovna Plisetskaja (1925)
- Maja Haderlap (1961)
- Maja Tsjiburdanidze (1961)
- Maja S. K. Ratkje (1973)
- Maja Erlandsen (1989)
Namnestatistikk
I 2022 var det 6 242 kvinner i Noreg som hadde Maja som det einaste førenamnet eller som det fyrste av fleire. I 2022 var det 151 jenter som fekk namnet Maja, og det var blant dei 50 mest populære jentenamna dette året.
Utvikling i bruk av namnet
Både Maja og Maya har vore populære på 2000-talet, og dei kjem dermed på linje med andre tostava namn på -a som har vore vanlege på 2000-talet, til dømes Ada, Alva, Dina, Frida, Hedda, Kaia, Lea, Maja, Mia, Oda, Ronja, Runa, Sanna, Stella, Thea og Ylva. Oppsvinget byrja i 1975–1979 for Maja og i 1995–1999 for Maya. Forma Maja er lånt frå Sverige der namnet var mykje brukt tidleg på 1900-talet, og deretter fekk det eit nytt oppsving der 1965–1969. Litt seinare (1975–1979) fekk Maja eit løft i Noreg, og dette kan sjåast på som påverknad frå svensk. Stavevarianten Maya er derimot svært lite brukt i Sverige. I Noreg har Maja vore brukt omtrent fire gongar så mykje som varianten Maya sidan år 1900.
Utvikling i bruk av namnet Maja frå 1880
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Les meir i Store norske leksikon
- kvinnenamn
- førenamn, mellomnamn, etternamn
- personnamn
- Om namneartiklane på snl.no
Litteratur
- Stemshaug, Ola 2010: [Mari] og [Maja] i Noreg. [Studia anthroponymica Scandinavica 28].
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.