Linda er eit kvinnenamn som er tysk kortform av namn som endar på -linda, til dømes Rosalinda og Belinda. Etterleddet -linda går tilbake til gammalhøgtysk lindi som tyder ‘bøyeleg, mjuk’ (jamfør adjektivet linn i norsk).

Til Norden har namnet truleg komme via engelsk.

Namnet har fleire variantar: Linda, Linde, Lynda.

Namnedag er 13. mai. Line og Linn har også namnedag denne dagen.

Personar med namnet Linda

Fyrste namneberar

Den fyrste som vart registrert med namnet, var Linda Sofie Bull fødd 1847 i Sem (Vestfold).

Kjende personar med namnet Linda

Eit utval personar med namnet Linda, og som er omtalt i Store norske leksikon:

Namnestatistikk

I 2022 var det 15 185 kvinner i Noreg som hadde Linda som det einaste førenamnet eller som det fyrste av fleire, og Linda var blant dei 50 mest brukte namnet blant norske kvinner. I 2022 var det 9 jenter som fekk namnet Linda.

Utvikling i bruk av namnet

Frå 1930 til 1990 var tostava namn på -e gjennomgåande meir populære enn dei tostava på -a, til dømes Hanne, Hege, Hilde, Lene, Lise, Marte, Mette, Rikke, Silje, Tine, Stine, Tone, Tonje, Tove, Trude, Vilde og Wencke. Men Linda er eit unntak frå dette allmenne mønsteret med topp 1975–1979. Andre unntak er Eva, Laila, Mona og Pia – og dei russiske Aina, Anja, Nina, Sonja, Tanja og Vera.

Utvikling i bruk av namnet Linda frå 1880
Utvikling i bruk av namnet Linda frå 1880
Av /Store norske leksikon.
Lisens: CC BY SA 4.0

Les meir i Store norske leksikon

Litteratur

  • Bakken, Kristin 2002: [Julian], [Tekla] og [Linda] – tre navn fra Henrik Ibsens Sancthansnatten (1853) vurdert i lys av samtidig kontekst: I: Tove Bull, Endre Mørck og Toril Swan (red.): [Venneskrift til Gulbrand Alhaug]. Tromsø.[/li][li]
  • Kruken, Kristoffer og Ola Stemshaug 2013: [Norsk personnamnleksikon]. 3. utgåva ved Kristoffer Kruken. Oslo.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg