Lasha Talakhadze

Faktaboks

Lasha Talakhadze
Født
2. oktober 1993, Sachkere, Georgia

Artikkelstart

Lasha Talakhadze er ein vektløftar frå Georgia. Han er innehavar av verdsrekordane i rykk, støyt og samanlagt, og han blei olympisk meister i 2016 og 2021.

Karriere

Georgiske Lasha Talakhadze i øvinga rykk under EM i vektløfting i Førde i 2016.

Lasha Talakhadze i EM

Lasha Talakhadze vann junior-VM i 2013, og slo for alvor gjennom i verdseliten med VM-gull for seniorar berre to år etterpå. Sidan har han vore rekna som verdas beste vektløftar, med gull i OL 2016 og 2021 som eit førebels høgdepunkt i karrieren.

Under VM i 2017 sette Talakhadze ny verdsrekord i rykk med 220 kilo i +105-kilosklassen. Samstundes sette han ny verdsrekord samanlagt med 477 kilo, og han sletta dermed den gamle rekorden til Leonid Taranenko frå 1988.

Etter at det internasjonale vektløftarforbundet (IWF) i 2018 endra vektklassane i vektløfting, sette Talakhadze tre nye verdsrekordar under EM i Georgia i 2019. Han forbetra dei på ny då han vart verdsmeister i Thailand den same hausten.

Under OL i Tokyo i august 2021 sette Takakhadze igjen tre nye verdsrekordar. Dei gjeldande verdsrekordane hans i +109-kilosklassen er 223 kilo i rykk, 265 kilo i støyt og 488 kilo samanlagt.

Talakhadze var frå 2013 utestengd for doping i to år, etter at han ikkje møtte fram til ein dopingtest.

Merittar

  • Olympisk meister (2016 og 2021)
  • Verdsmeister (2015, 2017, 2018 og 2019)
  • Europameister (2016, 2017, 2018, 2019 og 2021)

Personlege rekordar

  • Rykk 223 kilo
  • Støyt 265 kilo
  • Totalt 488 kilo

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg