Faktaboks

Lars Hætta

Lars Jacobsen Hætta

Jáhkoš-Lasse

Fødd
21. januar 1834, Guovdageaidnu (Kautokeino)
Død
17. februar 1896, Kautokeino
Verke
Reindriftssame, bibeloversetter og lærer
Familie

Foreldre: Jacob Mathisen Hætta (ca. 1798–1837) og Berit Aslaksdatter Sara (ca. 1795–1843).

Gift 1868 med Berit Hansdatter Gaup (1836–90), datter av Hans Thomassen Gaup (1807–92) og Anne Thomasdatter Skum (1813–92).

Bror av Aslak Jacobsen Hætta (1824–54).

Lars Jacobsen Hætta
Lars Jacobsen Hætta (1834-1896). Her fotografert av Sophus Tromholt i 1882 eller 1883.

Lars Hætta var ein norsk-samisk bibelomsetjar.

Bakgrunn

Lars Jacobsen Hætta var fødd i Guovdageaidnu/Kautokeino. Han var bror til Aslak Jacobsen Hætta. Hætta tok del i opprøret i Kautokeino i 1852. og var ein av fem samar som vart dømde til døden etter Kautokeino-opprøret, men som fekk dommen gjort om til livstid. Han var atten år då opprøret fann stad. Hætta sat fengsla mange år i Akershus fengsel.

Språkarbeid

Medan han sat fengsla omsette Hætta Det nye testamentet til samisk, i samarbeid med professor Jens Andreas Friis. Etter at han vart sett fri i 1867, omsette Hætta Det gamle testamentet til samisk. Hætta si samiske omsetjing av Det nye testamentet vart gitt ut i 1874, og heile den samiske Bibelen kom ut i 1895. Hætta arbeidde sidan som kyrkjetolk i Kautokeino. Hætta sine omsetjingar vart reviderte av Friis og Just Knud Qvigstad.

Hætta var òg ein av redaktørane bak Ordbog for det lappiske Sprog. I tillegg omsette han andre bøker til samisk. Han var òg ein svært dyktig duojár eller treskjerar. Mange av dei tradisjonelle arbeida hans i tre er å finne på Norsk Folkemuseum.

Les meir i Store norske leksikon

Faktaboks

Lars Hætta
Historisk befolkingsregister-ID
pf01052460001016

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg