Kvinnheringen er dagsavis på Husnes, grunnlagt 1973, kjem ut tre gonger i veka. Kvinnheringen er lokalavis for Kvinnherad kommune, eigd av Amedia AS. Redaktør er Mona Grønningen
Kvinnheringen ble i 2015 tildelt prisen Årets lokalavis i Europa av European Newspaper Awards.
«Er det meiningslaust og uklokt å starte eit nytt blad i tider då alle snakkar om avisdøden?» spurde Kristian Hus i første nummer av bladet Kvinnheringen, 3. januar 1973. Kristian Hus var ein ung mann. Det var også redaktøren, læraren Torfinn Myklebust, men han var i det minste son av ein gamal bladmann og stortingsmann, Thor Myklebust i Bergens Tidende. Alt var smått då dei laga første bladet sitt. Redaktøren hadde ikkje noko kontor å gå til, han arbeidde heimanfrå. Utgjevarstaden Husnes i Kvinnherad var midt i sin første vekst, det store aluminiumverket hadde levert sine første barrar i 1965, og nordanfor, i kommunesenteret Rosendal, hadde lokalbladet Grenda drive sidan 1951. Konkurransen utanfrå var endå sterkare, Haugesunds
Avis og Bergens Tidende hadde delt bygda mellom seg. På Stord prøvde avisa Sunnhordland å gjere kvinnheringane til sunnhordlendingar det var ikkje så rart, for med kommunereguleringane i 1964 var heile Kvinnhe rad flytta sørover, bygda heldt på å bli meir Sunnhordland enn Hardanger.
Tida var rett. Mange aviser som viste seg å ha livsens rett, kom til i dei same åra som Kvinnheringen. Staden var rett. Husnes og søre delen av kommunen opplevde vekst og tilflytting. Den gamle motsetnaden mellom Kvinnherads-bygdene bleikna, og smått om senn blei det nye bladet avis for heile kommunen – og utan at Grenda blei teken av avisdøden. Grunnleggja- rane hadde rekna med å bli suppleringsavis til Grenda, men det blei motsett.
Som så mange andre aviser hadde Kvinnheringen sitt grunnlag i eit trykkeri. I 1965 hadde Kristian Hus og Kåre Nedrevåg gått i gang med eit aksidenstrykkeri, samstundes med at storindustrien etablerte seg på Husnes. Framleis var ein i blytida, men overgangen til data og offset kom etter nokre år, det same gjorde bokutgjeving på eige forlag.
Kristian Hus var eigar og utgjevar dei første åra, men alt i 1976 hadde bladet fått så stor tillit at det blei råd å skipe aksjeselskap for heile verksemda, avis, trykkeri og forlag, og bladet har sjølvsagt lenge hatt si eiga nettutgåve.
Aksjeselskapet var lokalt fundert, men i 1998 tok A-pressekonsernet over Kvinnheringen. Det førde ikkje til noko politisk skifte, bladet var ikkje grunnlagt som talerøyr for noko politisk parti, og er det framleis ikkje.
| År | Opplag |
|---|---|
| 1977 | 2251 |
| 1988 | 4622 |
| 1999 | 4863 |
| 2008 | 4571 |
| 2015 | 3865 |
Store norske leksikon
Kommentarer
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.