Kristian Nordlid

Faktaboks

Kristian Nordlid

Kristian Magnus Olsen Nordlid

Født
6. mai 1846, Austre Aker, Oslo
Død
9. juli 1905, Oslo

Artikkelstart

Kristian Nordlid var folkehøgskulelærar, bladstyrar og prest. Han var mellom dei aller første som nytta nynorsk i kyrkja.

I unge år skreiv han seg berre Olsen, men tok frå 1889 Nordlid-namnet etter fødestaden på Sjursøya. Bokprentar Nikolai Olsen og bokhandlar Olaf Norli var brørne hans.

Som student var Nordlid huslærar i Sauland og i Mandal. Etter cand. theol.-eksamen i 1870 var han folkehøgskulelærar i Seljord og i Skodje og deretter folkeskulelærar i Drangedal. Frå hausten 1877 var han huslærar hjå Olaus Arvesen på Hamar og hjelpte han med Oplandenes Avis. I eit par år frå 1880 gav Nordlid ut og redigerte Østlandsk Tidendei Fredrikstad og Nordmandeni Kristiania, og han ordna samstundes mykje med redaksjon og prenting av Fedraheimen. I perioden 1883–86 styrte han Dagsposteni Trondheim.

Frå 1886 var Kristian Nordlid stiftskapellan i Kristiania bispedøme. Ved sida av den geistlege tenesta gav han ut målblada Nordmannen1889–91 og Norskt Barneblad1895–98. I 1898 vart han sokneprest i Seljord, men helsa svikta så han søkte avskil i 1903.

Gjennom åra hadde han hjelpt til med fleire nynorske bokutgjevingar, og 17. mai 1899 heldt han heile gudstenesta på landsmål, til liks med to andre granneprestar i Telemark.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg