Knud Wollenberger

Wollenberger vart fødd i København i 1952. Mora hans var dansk, medan faren var den kjende kardiologen Alfred Wollenberger. I 1955 flytta familien til DDR (Aust-Tyskland). Både Knud Wollenberger og mora heldt fram med å vere danske statsborgarar etter flyttinga. Dermed var dei ikkje underlagt dei same reiserestriksjonane som vanlege DDR-borgarar. Han utdanna seg til matematikar og fekk seinare jobb i DDRs vitskapsakademi, Akademie der Wissenschaften.

I 1972 vart han informant for tryggingspolitet Stasi. Han leverte rapportar under dekknamnet IM Donald. Bakgrunnen for Stasis interesse var at han hadde eit stort internasjonalt nettverk og ofte reiste utanlands. I 1981 gifta han seg med borgarrettsaktivisten Vera Lengsfeld. I åra fram til Berlinmuren fall var han sterkt engasjert i DDRs borgarrettsrørsle. Frå 1982 leverte han jamnleg rapportar til Stasi, både om kona si, og om resten av borgarrettsrørsla.

Då arkivet etter Stasi vart opna, vart Wollenbergers informantverksemd kjend. Det førte til at kona hans tok ut skilsmisse.

Etter 1999 gav han ut fleire diktsamlingar som alle fekk gode kritikkar, og gjorde han til eit anerkjend namn innanfor ny tysk poesi. Han døydde i Irland 25. januar 2012 etter lang tids sjukdom.

• DDR
• Stasi
• Den kalde krigen