Kjell-Børge Freiberg

Etter fullført grunnskule i 1987 tok Freiberg kurs i matfiskeoppdrett. I 1998 tok han fagbrev som fagoperatør i næringsmiddelindustrien. Han arbeidde på oppdrettsanlegg i 1987–1992 ved AS Fiskefjorden og AS Arctic Delight, var fiskar og kokk i Senja Havfiskeselskap i 1992 og var frå 1993 til 2002 tilsett i Skretting AS. Etter endt stortingsperiode i 2021 byrja han som samfunnskontakt i Holmøy Maritime.

Freiberg vart vald inn i kommunestyret i Hadsel i 1995. Sidan 2003 har han arbeidd på heiltid med organisasjons- og politikkarbeid i Framstegspartiet. Han var varaordførar i Hadsel frå 2003 og ordførar i 2007–2015, første gongen vald med støtte frå Framstegspartiet, Høgre, Venstre og ei lokal fellesliste. Han var samstundes partisekretær for Nordland, Troms og Finnmark Frp i 2003–2007.

I 2015–2016 var Freiberg statssekretær i regjeringa Solberg for statsråd Tord André Lien i Olje- og energidepartementet, og i 2016–2017 var han statssekretær for statsråd Terje Søviknes i same departement. I 2017–2021 var han innvald som stortingsrepresentant for Framstegspartiet frå Nordland. Frå august 2018 til desember 2019 var han sjølv statsråd i Olje- og energidepartementet i regjeringa Solberg som olje- og energiminister. Freiberg blei ikkje renominert før stortingsvalet i 2021 og vart hausten 2021 ekskludert frå partiet.

Freiberg har både som ordførar, statssekretær og stortingsrepresentant markert seg som tilhengjar av ytterlegare utbygging av petroleumsverksemd langs norskekysten. Dette har vore den mest betente oljeutvinningssaka på 2000-talet.

• Framstegspartiet
• Olje- og energidepartementet
• regjeringa Solberg
• statsråd

• Stortinget: Kjell-Børge Freiberg
• Regjeringa: Kjell-Børge Freiberg