Kari – Store norske leksikon

Kari er eit kvinnenamn som er norsk form av Karin. Namnet har lengst bak opphav i det greske Aikaterine. Tydinga til namnet er usikker, men det vart tidleg sett i samband med gresk katharos som tyder ‘rein, kysk’. Uttrykket «Kari og Ola», brukt om den gjengse nordmann, viser at Kari har vore eit svært vanleg namn i Noreg. På 1700-talet var det såleis det nest mest vanlege namnet (etter Anne/Anna). Nordafjells er Kari brukt som namn på kråka.

Les om mannsnamnet Kari.

Namnet har fleire variantar: Carin, Karen, Kari, Karin, Karn.

Namnedag er 25. november. Katarina og Katrine har også namnedag denne dagen.

Personar med namnet Kari

Kulturell bruk

«Kari Trestakk» er eit eventyr nedskrive av Asbjørnsen.

Kjende personar med namnet Kari

Eit utval personar med namnet Kari, og som er omtalt i Store norske leksikon:

Namnestatistikk

I 2022 var det 24 684 kvinner i Noreg som hadde Kari som det einaste førenamnet eller som det fyrste av fleire, og Kari var det tredje mest brukte namnet blant norske kvinner. I 2022 var det 17 jenter som fekk namnet Kari.

Utvikling i bruk av namnet

Det vil ha interesse å presentere i same diagram det norske Kari, det danske Karen og det svenske Karin. Alle desse namna har felles opphav, helgennamnet Katarina. Til liks med ein del andre namn som har fått ei justert form på norsk grunn av eit helgennamn, til dømes Berit av Birgitta og Marit av Margareta, har Kari hatt ein gradvis tilbakegang sidan tidleg på 1800-talet, men frå 1920-åra byrja namnet å stige bratt til ein topp rundt 1940. Det justerte namnet Berit har ein liknande kurveprofil.

Geografisk variasjon på 1800-talet

Kari var mest brukt i Oppland og Hordaland.

Geografisk variasjon i bruk av namnet Kari på 1800-talet.

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Kari var mest brukt i Oppland og Hordaland. (I talgrunnlaget for stolpediagrammet inngår det også ein eller fleire stavevariantar, til dømes Cari.)

Historisk bruk av namnet Kari

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Les meir i Store norske leksikon

kvinnenamn
førenamn, mellomnamn, etternamn
personnamn
Om namneartiklane på snl.no

Litteratur

Kruken, Kristoffer og Ola Stemshaug 2013: Norsk personnamnleksikon. 3. utgåva ved Kristoffer Kruken. Oslo.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Jentenavn

Gulbrand Alhaug

UiT – Norges arktiske universitet