Kalottspel

Kalottspel er en årlig festival for folkemusikk og folkedans i Målselv. Det første spelmannsstemnet fant sted i 1949, med Målselv Mållag som arrangør og Johan Nymo som drivkraft. Dette blei opptakten til folkemusikkfestivalen som frå 1970 har vore kalla Kalottspel.

Kalottspel er ein viktig møtestad for folkemusikarar og folkedansarar frå heile Nordkalotten. I august kvart år kjem amatørar, profesjonelle og publikum til Indre Troms for å delta. Under Kalottspel er det konsertar, seminar, utstillingar og dansetilstellingar, kurs i spel, song og dans for deltakere i alle aldre. Hovudarenaen er Mellembygd kultur- og oppvekstsenter på Rundhaugen i Målselv.

Etter 1949 blei spelemannsstemnet i Målselv ein årleg tradisjon, og etter kvart voks Målselv Spelmannslag fram frå dette miljøet. I 1970 utvida mållaget og spelemannslaget stemnet og inviterte spelemenn frå andre land på Nordkalotten, framleis med Johan Nymo som pådrivar og arrangør.

Frå 1984 til 2004 blei festivalen arrangert kvart andre år, frå 2004 kvart år. Frå 2005 har festivalen fått støtte frå Norsk kulturråd. Kalottspel arrangerer òg folkemusikkonsertar lokalt og andre relaterte arrangementer gjennom heile året.

Festivalen er organisert som foreining, med Karianne Asphaug som dagleg leiar fra 2023. I 2023 var det 2036 besøkande på festivalen, og den totale omsetninga var på om lag 2 millioner kroner, for festivalen og helårsarrangementene kombinert.