Johanna Wanka, tysk politiker for CDU og professor i matematikk. Var minister for utdanning og forsking i Angela Merkels tredje regjering, fram til 2018.
Johanna Wanka
Faktaboks
Johanna Wanka
- Fødd
- 1. april 1951, Rosenberg, Sachsen
Johanna Wanka, 2014.
Bakgrunn
Wanka vart født i DDR og vaks opp i det som no er delstaten Sachsen. På 1970-talet studerte ho matematikk ved Universitetet i Leipzig. Ho vart sidan vitskapleg assistent ved faghøgskolen i Merseburg og tok i 1980 ein doktorgrad i matematikk. Ved sida av jobben var ho på slutten av 1980-talet engasjert i Neues Forum, som var ein del av DDRs utanomkyrkjelege borgarrettsrørsle. I 1993 vart ho professor i matematikk ved faghøgskolen i Merseburg. Frå 1994 til 2000 var ho rektor same stad.
Politisk karriere
Ho melde seg inn i CDU i 2001. Frå 2000 og fram til 2009 var ho minister for forsking, vitskap og kultur i delstaten Brandenburg. Frå 2010 til 2013 var ho minister for forsking og kultur i delstaten Niedersachsen.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.