Faktaboks

Ida Lindtveit Røse
Fødd
3. desember 1992, Oppegård, Akershus
Ida Lindtveit Røse
Av /Kristelig Folkeparti.
Lisens: CC BY NC ND 2.0

Ida Lindtveit Røse er ein norsk politikar frå Kristeleg Folkeparti som frå 2023 er andre nestleiar i partiet. Ho var konstituert statsråd i barne- og familiedepartementet i regjeringa Solberg i 2020.

Bakgrunn

Ida Lindtveit Røse er fødd i Oppegård (no Nordre Follo) i Akershus. Ho har ein bachelorgrad i europeiske studiar frå Universitetet i Oslo i 2014 og tok til med ein mastergrad i statsvitskap same staden i 2014. I 2012 var ho praktikant i NHO Service. Ho var politisk rådgivar i Abelia i 2017–2019 og rådgivar i rådgivingsselskapet First House i 2019.

Politisk karriere

Røse var leiar av Akershus Kristeleg Folkepartis Ungdom i 2011–2012. Ho var sentralstyremedlem i KrFU i 2012–2013, deretter første nestleiar i KrFU i 2013–2015 og leiar av KrFU i 2015–2017. Røse var medlem av Oppegård kommunestyre i 2011–2019.

I 2013 var ho trainee i Kristeleg Folkeparti, og i 2014–2015 arbeidde ho som politisk rådgivar for utdannings- og asylsaker i stortingsgruppa til Kristeleg Folkeparti. Sommaren 2020 vikarierte ho for Kjell Ingolf Ropstad som konstituert barne- og familieminister i regjeringa Solberg under hans foreldrepermisjon. Då ho tiltredde i juni 2020, var ho Noregs yngste statsråd fram til då.

Frå 2019 til 2023 var ho medlem av fylkestinget i Viken, og der var ho gruppeleiar for KrF. Sidan 2023 er ho fylkesråd for næring, idrett, mangfold og folkehelse i Akershus fylkeskommune. Ho har også vore aktiv i Europeisk Ungdom.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg