Hurrungane frå Sjogholstinden.

Hurrungane

Hurrungane.

Hurrungane

Hurrungane

Hurrungane. Ringstindane sett frå Dyrhaug. Biletet er henta frå papirleksikonet Store norske leksikon, utgitt 2005–2007.

Av /KF-arkiv ※.

Skagadalshytta

.
Lisens: Avgrensa gjenbruk

Hurrungane er det vestlegaste og villaste tindeområdet i Jotunheimen. Fjellrekkja ligg i Årdal og Luster kommunar i Vestland fylke.

Faktaboks

Etymologi
av hurra, ‘dundra’

Landskap

Hurrungane ligg mellom den tronge Utladalen i aust og Bergsdalen i nord med sidedalen Berdalen i vest. Hurrungane utgjer eit alpint fjellandskap som er bygd opp av hard gabbro og sterkt oppskoren av iserosjon. Restane av den gamle bergoverflata, peneplan, står igjen som skarpe tindar med smale band og egger imellom. Berggrunnen høyrer til Den skandinaviske fjellkjeda.

Frå Utladalen fører ei rekkje dalar inn i fjellområdet: Frå sør kjem Gravdalen, Stølsmaradalen, Midtmaradalen, Maradalen og Jervvassdalen. Frå Bergsdalen/Berdalen fører Ringsdalen, Skagastølsdalen og Helgedalen inn i Hurrungane frå sør.

Toppar

Den opprivne ryggen av Skagastøls- og Styggedalstindane i den nordaustre delen av området utgjer det høgaste og mektigaste partiet i Hurrungane. Den dominerande tinden er Store Skagastølstind, Storen, på 2405 meter over havet. Storen er den tredje den tredje høgaste fjelltoppen i Noreg. Andre høge toppar i denne fjellryggen i nordaust er Store Styggedalstind (2387 meter over havet), Gjertvasstind (2351 meter over havet) og Sentraltind (2348 meter over havet). Desse er høvesvis nummer 4, 10 og 11 på lista over dei høgaste toppane i landet.

Lengst sørvest i Hurrungane ligg Store Austanbotntind, som er ein ruvande topp på 2204 meter over havet. I nordvest ligg Store Dyrehaugstind (2147 meter over havet) og lengst vest Soleibotntindane (2083 meter over havet). Det er i alt 19 toppar over 2000 meter i Hurrungane og 13 over 2100 meter. Hurrungane inngår i Jotunheimen nasjonalpark.

Hytter ved Storen

Skagastølsbandet ved foten av Storen har Den Norske Turistforening hatt ei steinbu, Skagastølsbu, gjennom mange år. I 1938 fekk Norsk Tindeklub si eiga hytte, Skagadalshytta, ved breidda av Heimste Skagastølsvatnet. Skagadalshytta ligg 1350 meter over havet, nesten 500 meter over Turtagrø.

Fjellklatring

William Cecil Slingsby i 1876 blei den første til å klatra opp på Storen, markerte det starten for norsk klatresport. Hurrungane har blitt eit av dei mest populære områda for fjellklatring i Noreg.

Namn

Namnet Hurrungane kjem visstnok av hurra, ‘dundra’, og siktar til larm i fjellet.

Kart

Hurrungane
/Statens kartverk.

Les meir i Store norske leksikon

Litteratur

  • Arne Larsen: Storen. historien om menneskene og klatringen på Store Skagastølstind i Jotunheimen. Fri Flyt 2014.
  • Ben Johnsen: Jotunheimens stortopper. Oslo 1991.
  • Helge Giverholt: Jotunheimens erobring. Oslo 1948.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg