Hommersåk

Hommersåk er ein tettstad i Sandnes kommune i Rogaland. Tettstaden er ifølgje SSBs definisjon 2,2 km², og har 6729 innbyggjarar (2023).

Hommersåk ligg ca. 13 km nordaust for Sandnes sentrum. Hommersåk ligg inst i Riskafjorden, ein fjordarm som frå munningen av Gandsfjorden fører rundt tre km søraustover mellom fastlandet og øya Uskjo (Usken). I Hommersåk ligg Riska kyrkje, ei kyrkje i mur bygde i 1999. Tettstaden er i dag eit viktig handelssenter.

Hommersåk er ein tradisjonsrik industristad. Det starta med eit møllebruk i 1878, og sidan har staden hatt ei svært variert industriverksemd, mellom anna sildolje- og gjødselproduksjon, båtbygging, trevareindustri, mellom anna møbelindustri og tønneproduksjon, tekstilindustri, osb.

Namnet. Første ledd i namnet er visstnok hummar, men namnet er ikkje sikkert forklart.