Hjalmar er eit mannsnamn som kjem av norrønt Hjalmarr. Forleddet Hjalm- tyder ‘hjelm’. Etterleddet er enten -arr som tyder ‘krigar’ eller -marr som tyder ‘berømt’. Den siste tolkinga føresett eit opphavleg Hjalm-marr i norrønt.
Hjalmar
Personar med namnet Hjalmar
Kulturell bruk
- Segnhelt i «Hervors saga» og «Orvar-Odds saga», bl.a. om Hjalmar som fall i holmgang om kongedottera Ingeborg.
- Skillingsvisa om Hjalmar og Hulda: «På blomsterkledt bakke satt Hjalmar så taus».
- Hjalmar Ekdal i Henrik Ibsens «Vildanden» (1884).
Kjende personar med namnet Hjalmar
Eit utval personar med namnet Hjalmar, og som er omtalt i Store norske leksikon:
- Hjalmar Welhaven (1850–1922)
- Hjalmar Branting (1860–1925)
- Hjalmar Borgstrøm (1864–1925)
- Hjalmar Johansen (1867–1913)
- Adam Egede-Nissen (1868–1953)
- Hjalmar Söderberg (1869–1941)
- Hjalmar Schacht (1877–1970)
- Hjalmar Riiser-Larsen (1890–1965)
- Hjalmar Gullberg (1898–1961)
- Hjalmar Andersen (1923–2013)
Namnestatistikk
I 2022 var det 485 menn i Noreg som hadde Hjalmar som det einaste førenamnet eller som det fyrste av fleire. I 2022 var det 11 gutar som fekk namnet Hjalmar.
Utvikling i bruk av namnet
Hjalmar har ein kurveprofil som liknar på kurveprofilen til dei fleste namna som kan knytast til den nordiske namnerenessansen – med oppsving i 1860-åra og topp like før år 1900. Namnet gjekk i dvale etter norrøn tid, og då det kom i bruk att på 1800-talet, kan det vere eit utslag av skillingsvisa om Hjalmar og Hulda (1839) eller skikkelsen Hjalmar den hugstore i sagaen om Orvar-Odd.
Utvikling i bruk av namnet Hjalmar frå 1800
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Geografisk variasjon på 1800-talet
Hjalmar var mest brukt i Kristiania, Bergen og Finnmark.
Geografisk variasjon i bruk av namnet Hjalmar på 1800-talet.
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Hjalmar var mest brukt i Kristiania, Bergen og Finnmark. (I søylene inngår det også ein eller fleire stavevariantar, til dømes Jalmar.)
Historisk bruk av namnet Hjalmar
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Les meir i Store norske leksikon
- mannsnamn
- førenamn, mellomnamn, etternamn
- personnamn
- Om namneartiklane på snl.no
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.