Gransherad er ei bygd i Notodden kommune, Telemark fylke. Gransherad utgjer den nordlegaste delen av kommunen, omkring Tinnoset og elva Tinne.

Faktaboks

Etymologi
norrønt Grandalsherað, av trenamnet ‘gran’.

Gransherad var inntil 1964 eigen kommune. Kommunen vart oppretta i 1860 av dei to sokna Gransherad av Hjartdal kommune og Hovin av Tinn kommune. I 1886 vart kommunen så delt i Gransherad og Hovin kommunar. Størsteparten av Gransherad vart i 1964 slått saman med Notodden og Heddal kommunar, og dessutan Rudsgrend av Hovin kommune til den nye storkommunen Notodden. Den austlege delen av den tidlegare kommunen, Gransherad-Jondalen, vart same år overført til Kongsberg kommune.

Gransherad sentrum ligg ved Tinne 20 kilometer nordvest for Notodden, ved stasjon på Tinnnosbanen med same namn. Persontrafikken på denne banen stansa i 1991.

Kart

Gransherad
Gransherad
Av /Statens kartverk.

Les meir i Store norske leksikon

Litteratur

  • Tjønnås, Ketil: Granheradsoga, 1977. Les boka

Kommentarar (1)

skreiv John Olav Lia

Fyrste kjende kyrkjestaden var på garden Grandås, og Gransherad blei i mellomalderen skrive Grandåsherad, m. a. av Biskopen i Hamar. Namnet Gransherad kjem truleg difor av garden Grandås. Dette stemmer også overeins med den lokale uttalen av namnet. I tillegg kan nemnast at jordsmonnet i bygda er slik at der veks mykje meir furu enn gran, så treslaget er ein veik teori som opphav til namn.

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg