Frida – Store norske leksikon

Frida kan gå tilbake til det norrøne kvinnenamnet Fríða av fríðr som tyder ‘vakker’. Frida kan også vere kortform av namn på -frida, til dømes Alfrida.

Namnet har fleire variantar: Frida, Fride, Frieda.

Namnedag er 10. oktober. Fridtjof og Frits har også namnedag denne dagen.

Personar med namnet Frida

Fyrste namneberar

Den fyrste som vart registrert med namnet i nyare tid, var husmannskone Frida Larsdatter Skaar fødd 1817 i Vikør (Hordaland). I kyrkjeboka er ho oppført med forma Fria.

Kulturell bruk

Frida Foldal i Henrik Ibsens «John Gabriel Borkman» (1896).
TV-serien om Frida (1990–1991) er basert på boka «Frida» (1990) av Torun Lian.

Kjende personar med namnet Frida

Eit utval personar med namnet Frida, og som er omtalt i Store norske leksikon:

Frida Hansen (1855–1931)
Frida Hoeck Rusti (1861–1963)
Frida Kahlo (1907–1954)
Frida Nokken (1948)
Frida Nilsson (1979)
Frida Ånnevik (1984)

Namnestatistikk

I 2022 var det 8 652 kvinner i Noreg som hadde Frida som det einaste førenamnet eller som det fyrste av fleire, og Frida var blant dei hundre mest brukte namnet blant norske kvinner. I 2022 var det 269 jenter som fekk namnet Frida, og det var det sjette mest populære jentenamnet dette året.

Utvikling i bruk av namnet

Popularitetsauken flytt for namnet på 1990-talet kan nok sjåast i samanheng med TV-serien om Frida. Frida høyrer elles til ei gruppe tostava namn på -a som har ein toppfase på 2000-talet, til dømes Ada, Alva, Dina, Hedda, Kaia, Lea, Maja, Mia, Nora, Oda, Ronja, Runa, Sanna, Stella, Thea og Ylva. Dette står i motsetning til dei tostava namna på -a med to toppfasar – både rundt år 1900 og på 2000-talet – til dømes Emma, Laura, Selma, Ebba og Klara.

Geografisk variasjon på 1800-talet

Frida var klart mest brukt i Kristiania og Bergen.

Geografisk variasjon i bruk av namnet Frida på 1800-talet.

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Frida var klart mest brukt i Kristiania og Bergen.

Historisk bruk av namnet Frida

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Les meir i Store norske leksikon

kvinnenamn
førenamn, mellomnamn, etternamn
personnamn
Om namneartiklane på snl.no

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Jentenavn

Gulbrand Alhaug

UiT – Norges arktiske universitet