Faktaboks

Frants Berg
Fødd
1504, Odense, Danmark
Død
2. november 1591, Oslo
Levetidskommentar
omtrentleg fødselsår
Verke
Biskop/superintendent
Familie

Foreldre: Billedskjærer Claus Berg (1470-årene–etter 1532) og Margrethe de Groth (Grott).

Gift med Karine Lauridsdatter, datter av prost Svend i Vestervig (død 1547).

Far til Claus Berg (1546–1614; se NBL1, bd. 1); svigerfar til Rasmus Hjort (ca. 1525–1604) og Jens Nilssøn (1538–1600); morfar til Christoffer Hjort (1561–1616).

Frants Berg
Frants Berg
Av /Nasjonalbiblioteket 𝒲.

Frants Berg var ein dansk-norsk geistleg som mellom anna bygde opp katedralskulen i Oslo.

Bakgrunn

Frants Berg var fødd i Odense i Danmark. Han var son av biletskjerar Claus Berg og far til prest Claus Berg. I 1531 vart han rektor i Odense, i 1540 evangelisk (protestantisk) sokneprest i Ribe, seinare i København. Berg vart påverka av Martin Luthers lære under eit studieopphald i Rostock.

Teologi

Frants Berg var superintendent (biskop) i Oslo og Hamar stift i perioden 1546–1580. Han fekk ei viktig oppgåve med å lære opp eit nytt norsk luthersk presteskap etter reformasjonen, etter at det gamle katolske presteskapet først hadde halde fram. Han bygde opp katedralskulen i Oslo og fekk auka talet på dei som følgde undervisninga, ved å leggje til rette for offentleg støtte for fattige elevar. Humanismen fann innpass her og slo etter kvart ut i full blom. I 1580 fråtredde han embetet til fordel for svigerson sin, Jens Nilssøn, som ein markant humanist. Berg fekk òg oppretta den første bokhandelen i Oslo.

Bispetida til Berg var elles merkt av den nordiske sjuårskrigen (1563–1570), der domkyrkjene i både Hamar og Oslo brann til grunnen. Berg var respektert i Noreg og venn av kong Frederik 2. Portrettet hans finst i Oslo domkyrkje.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg