Fabian Stang

Fabian Stang er fødd i Oslo. Han er son av Wenche Foss. Han gjekk på Hartvig Nissens videregående skole i 1972–1975 og er utdanna cand.jur. frå Universitetet i Oslo i 1983. Stang arbeidde som lærar medan han var student. Han var advokatfullmektig og deretter politifullmektig fram til 1986, då han blei partnar i advokatfirmaet Torkildsen, Tennøe & co.

Stang blei vald inn i Oslo bystyre for Høgre i 1999. Han hadde fast plass til 2019 og igjen frå 2023. I bystyret har han vore medlem av mellom anna helse- og sosialkomiteen, samferdsels- og miljøkomiteen i 2015–2019, byutviklingskomiteen og finanskomiteen. I Oslo var det borgarleg styre i 18 år i strekk, og mellom 2007 og 2015 var Stang ordførar. Stang var ein synleg og populær ordførar i hovudstaden i åtte år. Han kallar seg Oslo-patriot og er ein av politikaren i landet som har fått flest personrøyster ved dei siste lokalvala.

I 2016–2018 var han utnemnd til statssekretær i Justis- og beredskapsdepartementet for innvandrings- og integreringsminister Sylvi Listhaug. I 2018 gjekk Stang tilbake til advokatyrket og vart advokat og partnar i advokatfirmaet Elden DA.

Fabian Stang fekk kommandørkorset av Litauens fortenesteorden i 2011. Han blei òg kåra til Årets Osloborger i 2011 og fekk Åpenhetsprisen same året.

• Høgre
• ordførar
• bystyre
• Justis- og beredskapsdepartementet