adrenalin autoinjektor

1. Ta pennen ut av transporthylsa.
2. Ta av sikringa/toppen. Pennen er då klar til bruk.
3. Hald pennen mot midten av låret (cirka 10 centimeter frå utsida av låret – nåla er ikkje synleg).
4. Støyt pennen inn mot låret – nåla vil gå gjennom kleda, men ein må unngå å treffe noko hardt (glidelås, knappar, lommeinnhald, tjukke saumar). Injeksjonen skjer då automatisk inn i muskelen. Adrenalin autoinjektorar har ingen knapp du må trykke på. Trykk adrenalin autoinjektoren fast inn mot låret i 10-12 sekund før du dreg sprøyta ut – hylsa vil skjule nåla. Masser stikkstaden – dette hjelper til å få adrenalinet raskare over i blodet.
5. Ring 113, sei ordet anafylaksi, gje opplysningane du blir spurt om. Pasienten skal ligge, helst med beina heva om det er praktisk. Legg pasienten i stabilt sideleie dersom bevisstlaus. Berre ved pustevanskar skal pasienten sitte opp. Det er viktig at pasienten ikkje får reise seg, også om ho/han skulle føle seg bra.

Nokon har fått utlevert fleire sprøytar, da skal sprøyte nummer to skal settast etter 5–15 minutt dersom det framleis er alvorlege symptom. Sprøytene kan ikkje brukast om att.

Alvorlege allergiske reaksjonar kan komme i fleire bølgjer med tilsynelatande betring i mellom. Bølgje nummer to kan komme innan 30 minutt, vanlegare 2–4 timar og i sjeldne tilfellar opptil 6–8(–12) timar etter første reaksjon. Ved alvorleg reaksjon er det derfor viktig å observere pasienten lenge nok, og å ha beredskap for å møte ei eventuell bølgje nummer to.

EpiPen og Jext kjem i to styrkar, en på 300 mikrogram for vaksne og store barn over 30 kg, ein på 150 mikrogram for barn mellom 15 og 30 kg. Emerade kjem i tre styrkar, 150, 300 og 500 mikrogram.Anbefalt akutt dose ved anafylaksi er 500 mikrogram adrenalin for barn over 30kg og vaksne, men erfaringa visar at de 300 mikrogram som er i Jext og EpiPen oftast er nok til å behandle den akutte allergiske reaksjon. Dosen på 300mikrogram i Jext og EpiPen er grunnen til at de fleste får resept på to adrenalin autoinjektorar. Bruk av adrealin autoinjektor på mindre barn enn 15 kg bør helst vurderast av lege, og i høve til kor alvorleg situasjonen er.

Ein må ha resept for å kjøpe adrenalin autoinjektor. Ved flyreiser er det ein fordel å ha med attest frå legen. Adrenalin autoinjektorar kan vere svært dyre i utlandet, og risikoen for alvorleg allergisk reaksjon mot til dømes mat er større – også av den grunn må adrenalin autoinjektorar ikkje bli gløymt heime når ein skal ut på reise.

• allergi
• anafylaksi