Ellen Wood

Ellen Price leid av skeiv rygg frå trettenårsalderen, måtte ofte halde sofaen eller liggestol, men nytta tida til å lese og skrive. Ho vart liten av vekst og svak av helse heile livet, men det hindra ikkje ein stor produksjon av romanar og noveller.

Ho gifta seg med bedriftsleiaren Henry Wood då ho var 22, og fødde minst fem born. Familien budde dei tjue første åra i Frankrike, og det var her Wood tok til å skrive noveller til blada frå 1851. Den første romanen, Danesbury House (1860), vann førstepremie i ein skrivekonkurranse, og blei ein bestseljar, og dermed var Wood sin karriere i gong.

Wood skreiv omlag 30 romanar og 100 noveller, og mange gjekk som føljetong i ulike blad før dei kom i bokform. Ho vart sjølv redaktør for eitt av desse, Argosy. Ho var ein av dei mest populære forfattarane i denne perioden.

Mrs. Halliburton's Troubles (1862) er mindre mørk enn East Lynne, og Anne Hereford minner noko om Jane Eyre i fokuset på ei einsam ungjente i eit stort hus. A Life's Secret (1867) vakte oppstyr ved å angripe arbeidarforeiningane.

Då det vart laga ein Hollywood-film over East Lynne i 1921, reklamerte dei med at 'millionar har lese boka, millionar har sett stykket' (sjå plakaten). Det skal ha vore eit teaterstykke som ofte vart spelt heilt frå boka kom ut, og også den tidlegare amerikanske filmen frå 1916 spelar på dette.

Der var fleire tidlege kortfilmar heilt frå 1902, og seinare kom nokre fjernsynsfilmar i 1956, 1964 og 1976. I Frank Lloyds kinofilm frå 1931 spelte Clive Brook og Ann Harding hovudrollene.

Tretten av av Wood sine romanar blei omsett til norsk (i fjorten utgåver) mellom 1863 og 1901, og deretter ser den store interessa ut til å ha dabba av.

• East Lynne (1863)
• Lord Oakburns Døtre (1864)
• Et livs hemmelighed (1868)
• Martin Wares Fristelse (1872)
• Over strømmen (1872)
• Taagenatten i Afford, eller Dobbeltmordet. Fortælling (1872)
• I taagen (1875)
• Seet i Maaneskinnet. Fortælling av Johnny Ludlow (1881)
• Rang og rikdom 1893
• Den hemmelighedsfulle Hulvei: Roman (1896)
• Familien Danesbury (1898)
• Et gaadefuldt Punkt (1898)
• Roland Yorke: Fortælling (1900)
• Et skjæbnesvangert Skridt (1901)

• Storbritannias litteratur

• Bizotto, Julie, 'Sensational Sermonizing: Ellen Wood, Good Words, and the Conversion of the Popular', i Victorian Literature and Culture, June 2013, Vol.41(2), s.297-310.
• Pykett, Lyn, The 'Improper' Feminine: The Women's Sensation Novel and the New Woman Writing, Routledge, 1992.
• Simpson, Vicky, 'Not-so-happy Homemakers: Women, Property and Family in Ellen Wood's East Lynne', i Women's Writing, 1.11.2012, Vol.19(4), s.584-601.