Eikefjord

Eikefjord er ein tettstad i Kinn kommune i Vestland. Tettstaden er ifølgje SSBs definisjon 0,4 km², og har 439 innbyggjarar (2023).

Eikefjord er eit område omkring Eikefjorden aust for Florø i Kinn kommune. I 2020 vart Eikefjord del av Kinn kommune i samband med kommunereforma.

Eikefjorden er ei fortsetjing av Vassreset og Solheimsfjorden og strekkjer seg først aust og så søraustover 16 kilometer inn til tettstaden Eikefjord i fjordbotnen. Riksveg 5 går langs nordsida av fjorden mellom Eikefjord og Florø. I søraust ligg grendene Orehola og Sunnarvik. Eikefjord kyrkje er ei korskyrkje i tre, som vart bygd i 1812 og ombygd i 1874.

Eikefjord var tidlegare eigen kommune og sokn med eit areal på 145 kvadratkilometer. Den tidlegare kommunen vart i sin heilskap overført til Flora kommune i 1964. Soknet Eikefjord vart frå same tidspunkt tillagd delar av dei tidlegare kommunane Vevring og Bru, i det vesentlege områda ved Oselvas nedre løp.