Edward B. Titchener var ein britisk-amerikansk psykolog, og professor ved Cornell University fra 1892 til 1927. Han studerte eksperimentalpsykologi hos Wilhelm Wundt i Leipzig og vidareutvikla både Wundts introspektive metode og dei teoretiske systema hans, som han kalla strukturalisme.
Formålet med psykologien var for Titchener å studere innhaldet og strukturen i medvitslivet, og han kom med det til å stå i eit skarpt motsetningsforhold til behaviorismen, så vel som andre nyare straumdrag i psykologien.
Han hadde ein stor pedagogisk og polemisk verksemd, skreiv ei rekkje lærebøker og var redaktør for tidsskriftet American Journal of Psychology frå 1895 til han døydde.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.