Faktaboks

Dore Lavik
Dorotheus Olivarius Lavik, Dore Olivarius Lavik
Fødd
4. juni 1863, Eksingedalen i Hosanger (no Vaksdal), Vestland
Død
16. juni 1908, Bergen
Verke
Skuespiller og teaterleder
Familie

Foreldre: Gårdbruker Johannes Andersson Lavik (1823–97) og Kari Andersdatter Kyte (1820–1907).

Gift 1) 25.4.1896 med skuespiller Ludovica Levy (1856–1922), ekteskapet oppløst 1906; 2) fra 1904 samboer med lærer og skuespiller Anne Marie Rindal f. Andersen (1881–1969; se Marie Hamsun).

Bror av Andreas Lavik (1854–1918) og Johannes Lavik (1856–1929; se NBL1, bd. 8); farbror til Nils Lavik (1884–1966) og Herbrand Lavik (1901–65); datterdatters sønn av Brynjel Andersen Gjerager (1761–1838; se NBL1, bd. 4).

Dore Lavik som dr. Stockmann i «En folkefiende»
Dore Lavik som dr. Stockmann i «En folkefiende» av Henrik Ibsen, ukjent år.

Dore Lavik var ein norsk skodespelar, journalist og teatersjef. Han vann seg ry som opplesar på landsmål, grunnla sitt eige teater i Kristiania og eit omreisande teater som han turnerte med i Noreg og nabolanda.

Dore Lavik var fødd i Eksingedalen i Vaksdal i Vestland. Han drog til Kristiania, der han tok mellomskuleeksamen i 1883 og examen artium i 1885. Dei neste åra las han filologi og livnærte seg som huslærar. Han byrja som opplesar, mest av landsmåldiktarar som Arne Garborg og Aasmund Olavsson Vinje. Tanken på å verte skodespelar festa seg, og han lukkast i å få undervisning hos ein kjend instruktør.

Sjølv med gode skotsmål var det smått om oppdrag, og i 1892 reiste Lavik til Amerika for å prøve seg der. Han fekk roller ved det skandinaviske teatret i Chicago, utan at det førte til noko gjennombrot i karrieren, og i 1894 vende han tilbake til Noreg.

Etter eit år som journalist vart Lavik tilsett ved Den Nationale Scene i Bergen i 1895, der han debuterte som Eilert Løvborg i Hedda Gabler. I 1899 flytta han og kona, skodespelaren Ludovica Levy, til Kristiania, der dei starta Secondteatret og dreiv teaterskule. Etter to sesongar var teatret konkurs. Lavik gjekk straks i gang med eit nytt prosjekt, eit omreisande teater, og gjesta både Sverige og Danmark.

I 1906–1907 turnerte Dore Laviks Det Norske Skuespillerselskab i Noreg og Danmark. Kritikkane var jamt rosande, særleg i danske aviser, og denne turneen var høgdepunktet i Lavik sin karriere.

Les meir i Store norske leksikon

Litteratur

  • Nils Johan Lavik: En haugianer på teaterscenen. Oslo 2008
  • Lise Lyche: Norges teaterhistorie. Asker 1991

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg