Dag Helleve

Faktaboks

Dag Helleve
Født
9. desember 1951, Voss, Vestland

Artikkelstart

Dag Helleve er forfattar, lærar og naturvernentusiast som skriv om musikk, natur og politikk, og som har gitt ut både sakprosa og skjønnlitteratur.

Bakgrunn

Dag Helleve er fødd på Voss i Hordaland (no Vestland). Han er utdanna cand.mag. frå Universitet i Bergen med faga engelsk, norsk og samfunnsfag (1974–1977). Helleve har arbeidd som anleggsarbeidar for NVE (1977–1980), lærar i ungdomsskulen i 1981–2000 og vart i 2000 tilsett ved Voss jordbruksskule.

Forfattarskapen

Han debuterte i 1985 med romanen Brøyt, som skildrar eit moderne anleggsmiljø på Vestlandet og vidarefører noko av tradisjonen etter Kristofer Uppdal og Kjartan Fløgstad. I fleire av bøkene blir det spelt på motsetnader mellom arbeidarkulturen og den nye ungdoms- og underhaldningskulturen. Spenningsromanen Sjakta (1988) er òg lagd til eit anleggsmiljø. Novellesamlinga Yetien kom i 1990, deretter romanane Zephir (1991) og Svevet (1995). Helleve skildrar naturen og forholdet menneska har til han, og fleire av bøkene har allusjonar til musikk.

Jazz-romanen Vegen til Molde kom i 1986, og han har gitt ut fagbøkene Skrivestadier (1989) og Norske LP-omslag 1959–1990 (1991). Helleve har skrive fire reisebøker frå USA, Irland, Belgia og Finland (1992–2003) saman med Per Olav Kaldestad og Ragnar Hovland.

Barneboka Kubanaren kom i 1999. Det er ei medrivande, sår og fantasifull forteljing om å vere skuletrøytt, utanfor og dårleg i matematikk, men òg om eit alligatorliknande vesen med appetitt for tal.

Utmerkingar

Helleve fekk Nynorsk barnelitteraturpris for Kubanaren. Boka er omsett til tysk.

Bibliografi

  • Hadde eg berre ei elv så lang skulle føtene fly : ei reise i Canada (Medf.) (Wigestrand Forlag, 2011)
  • Norske landskap (medforfatter) (Wigestrand Forlag, 2004)
  • Finske dagar og netter: reiser i Finland (medforfatter) (Dokumentar og historie, Damm, 2003)
  • Kubanaren (Barnebok, Samlaget, 1999)
  • Waterloo (Medforfatter) (Sakprosa, Samlaget, 1997)
  • Svevet (Noveller, Samlaget, 1995)
  • Vegen til Navan (Medforfatter) (Sakprosa, Samlaget, 1995)
  • Langs kvar ein veg : Nashville, Memphis, Austin (Medforfatter) (Sakprosa, Samlaget, 1992)
  • Zephir (Roman, Samlaget, 1991)
  • Norske LP-omslag 1959-1990 (Sakprosa, Samlaget, 1991)
  • Yetien (Noveller, Samlaget, 1990)
  • Sjakta (Roman, Samlaget, 1988)
  • Vegen til Molde (Roman, Samlaget, 1986)
  • Brøyt (Roman, Samlaget, 1985)

Les meir i Store norske leksikon

Eksterne lenker

Litteratur

  • Øystein Rottem: Norges litteraturhistorie, bd. 3. Oslo 1998

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg