Codex Frisianus, eller Friis-boka (AM 45 fol.), er eit handskrift på pergament i Den Arnamagnæanske Samling i København. Boka inneheld dei fleste sogene i Snorres Heimskringla, men ikkje Soga om Olav den heilage. I tillegg inneheld handskriftet Sturla Þorðarsons soge om Håkon Håkonsson. Codex Frisianus har namn etter Otto Friis, den første kjente eigaren av boka.
Faktaboks
- Etymologi
- ‘Friis-boka’ etter den første kjente eigaren, Otto Friis
- Også kjend som
- islandsk Frísbók eller Fríssbók
Friis-boka er eit vakkert og forseggjort handskrift. Det er skrive kring 1330. Handskriftet kan vere skrive av ein islending i Noreg eller på Island for ein nordmann.
Ein veit ikkje anna enn at boka var i Noreg kring 1550, då Mattis Størsson og Laurents Hanssøn brukte ho i Heimskringla-omsetjingane sine. Kring 1600 hadde det funne vegen til Danmark, til Otto Friis. Árni Magnússon kjøpte boka i 1696 etter Jens Rosenkrans, og Árni testamenterte det vidare til Københavns Universitet.
Handskriftet vart verande i København etter utleveringa av handskrifter frå Danmark til Island.
Codex Frisianus var ei stor inspirasjonskjelde for skrifta som Gerhard Munthe laga til ei utgåve av Draumkvedet i 1904.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.