Chul Ho Lee, òg kjent som Mr. Lee, var ein norsk-koreansk forretningsmann og kokk.
Lee kom til Noreg 1954 for å få medisinsk behandling etter å ha vore innlagd på eit norsk feltsjukehus i Korea, og utdanna seg som kokk. Han arbeidde ved restaurantar i Sveits, Frankrike og Tyskland, og kom i midten av 1960-åra tilbake til Noreg. Lee var ein periode kjøkkensjef på Holmenkollen Turisthotell, og hadde seinare ei leiande stilling i næringsmiddelfirmaet Møllhausen.
Mot slutten av 1980-åra starta Lee for seg sjølv med brødproduksjon og sal av nudlar under varemerket Mr. Lee, effektivt marknadsført med ein serie originale reklamefilmar der han sjølv hadde hovudrolla. Varemerket blei 1995 selde til Rieber & Søn ASA.
Lee fekk Kongens fortenestemedalje i 2004.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.