Brandal er ein tettstad i Hareid kommune i Møre og Romsdal. Tettstaden er ifølgje SSBs definisjon 0,3 km², og har 326 innbyggjarar (2023).
Brandal ligg sørvest for Ålesund, på austsida av Hareidlandet, tre km nord for kommunesenteret Hareid.
Brandal var sentrum for selfangstverksemda på Vestlandet frå 1898, og på det meste gjekk det ut 47 selfangsskuter herfrå. Staden hadde òg fabrikkanlegg for vidareforedling av skinn og kjøtt. I dag ligg ishavsmuseet «Aarvaak» i Brandal, i ei sjøbu frå 1950-talet. Museet er det einaste polarmuseet sør for Tromsø og har namn etter den verna ishavsskuta «Aarvaak» som står på land ved sida av museumsbygget.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.