Brand er eit dramatisk dikt i fem akter av Henrik Ibsen, skrive i Italia i 1865 og gitt ut i København i 1866. Brand vart først skriven som forteljande dikt, Den episke Brand, med tittel etter hovudpersonen.
Diktet handlar om den idealistiske og kompromisslause presten Brand og den tragiske lagnaden hans i ei norsk fjellbygd. Brand er inspirert av tankane til Søren Kierkegaard, til dømes om den uendelege fortvilinga, som ein ser i Brands vanskar med å realisere eigne ideelle krav. Modell for Brand var presten Christopher Bruun.
4. akt vart spelt på Christiania Theater i 1867, medan alle akter vart spelt for første gong på Nya Teatern i Stockholm i 1885, og med norsk ensemble på Nationaltheatret i 1904. Stykket er seinare sett opp ei rekkje gonger i Noreg og i utlandet.
Brand vart filmatisert i Russland i 1915.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.