Borussia Mönchengladbach, tysk idrettsklubb, stiftet 1900, mest kjend for fotballavdelinga si. Vann UEFA-cupen 1975 og 1979. Ligameister 1970, 1971, 1975, 1976, 1977; cupmeister 1960, 1973, 1995. Bane: Stadion im Borussia-Park. Drakt: Kvit trøye og bukse. Kjende spelarar: Berti Vogts, Günter Netzer, Herbert Wimmer, Rainer Bonhof, Allan Simonsen, Jupp heynckes,Uli Stielike, Lothar Matthäus Nordmennene Kai-Erik Herlovsen, Erik Thorstvedt, Kjetil Rekdal og Hassan El Fakiri har spelt for klubben. Håvard Nordtveit kom til klubben til sesongen 2011/12.

Laget har fått ny stadion med namnet Stadion im Borussia-Park, og med 54.000 overbygde plassar. 37.000 av desse er sitjeplassar.

Hennes Weisweiler, som trena laget frå 1964 til 1975, har kultstatus som trenar både i Mönchengladbach og i Tyskland. Etter at han var i Barcelona, fekk han tilnamnet Don Hennes. Det fortel ein god del om statusen hans i Mönchengladbach at klubben si adresse er Hennes Weisweiler Allee 1, 41179 Mönchengladbach.

I Weisweiler si trenartid hadde ikkje klubben økonomi til å kjøpe dyre og etablerte stjernespelarar. Difor henta han inn mange unggutar, som som under Weisweiler utvikla seg til å bli toppspelarar. Det ungdommelege preget og den offensive angrepsfotballen som kjenneteikna laget, gav klubben tilnamnet "die Fohlen" (ungfolane). Vogts, Netzer, Bonhof og Matthäus er døme på unggutar som i Gladbach blei oppflaska til internasjonale toppspelarar

Eit anne kjennetein ved klubben i glanstida var stabilitet og kontinuitet. Dei første 20 åra i Bundesliga hadde laget berre tre trenarar. Weisweiler, Udo Lattek og Jupp Heynckes, alle tre internasjonale trenarkapasitetar. Dei siste åra er det mangel på kontinuitet som har prega drifta av klubben. Det har vore mange og hyppige trenarbyte, og haugevis med mislukka spelarkjøp. Difor har også resultata vore variable.Sesongen 2010/11 berga laget plassen i Bundesliga med eit nødskrik, men sesongen 2011/12 har starta godt.

Berti Vogts var heile karrieren frå 1965 til 1979 trufast mot klubben, og han er den med flest spelte seriekampar, 419 i alt. Jupp Heynckes er toppscorar gjennom tidene med 195 mål på 283 bundesligakampar. Det er eit gjennomsnitt på 0,7 mål per kamp, og det er imponerande.

Den meste legendariske og karismatiske spelaren i klubben si historie er nok likevel Günter Netzer. Trass i at han spelte berre 37 landskampar, har han eit ettermæle på høgd med sjølvaste "Kaiser" Franz Beckenbauer. Netzer var den suverene midtbanedirigenten (Spielmacher) på Tyskalnd sitt beste og mest velspelande landslag gjennom tidene, europameistrane frå 1972, laget som utklassa Sovjet med 3-0 i finalen. På sitt beste var mannen med den blonde og flagrande hårmanken ein kunstnar på bana.

Sjølv om Borussia dei siste åra ikkje har greidd å leve opp til stordomstida, har klubben alltid hatt evne til å få fram nye toppspelarar. Eit av dei siste skota på denne stammen er Marko Marin (f. 1969) som debuterte pålandslaget som 19-åring. Han speler no for Werder Bremen. Dei to siste unggutane som har slått gjennom, er målmannen Marc-André ter Stegen (f. 1992) og den offensive midtbanespelaren Marco Reus (f. 1989).

Foreslå endringer i tekst

Foreslå bilder til artikkelen

Kommentarer

Har du spørsmål til artikkelen? Skriv her, så får du svar fra fagansvarlig eller redaktør.

Du må være logget inn for å kommentere.