Arne Rustadstuen

Rustadstuen er ein av dei fremste utøvarane i Lillehammer Skiklubs historie. I løpet av karrieren representerte han òg Faaberg Idrettslag, der han fekk æresmedlemskap. Rustadstuen vart verdsmeister på 17 kilometer på heimebane i Oslo i 1930. Under vinter-OL i Lake Placid i 1932 sleit nordmennene med å meistre det vanskelege føret. Rustadstuens bronse på femmila vart vår einaste langrennsmedalje i leikane.

• Siger i kombinertrennet i Lahtisspelen i 1929
• VM-bronse i kombinert i 1931
• Noregsmeister på 18 kilometer i 1934
• Siger på 18 kilometer i Holmenkollrennene i 1934 og 1935
• Siger i den andre og tredje utgåva av Birkebeinerrennet (1933 og 1934)
• OL-deltakar i 1936

I slutten av 1930-åra var det vanleg med rikstrenarar i til dømes Sverige og Finland. Noreg hadde korkje hatt økonomi eller tradisjon for det, men diskusjonane gjekk. Det enda med at Rustadstuen vart tilsett for vinteren 1939–1940. Han fekk mykje god respons i det å vere ein samlande ressursperson. Rustadstuen takka nei til å halde fram. Under krigen gav han òg fleire tydelege avslag på å trene løparane til Nasjonal Samling. Den neste rikstrenaren kom først i 1958 med Kristen Kvello, då med varig verknad.

Rustadstuen gjekk bort i 1978. Lillehammer Skiklub arrangerer årleg Arne Rustadstuens minneløp på Birkebeineren skistadion.

• skisport
• langrenn
• kombinert
• Holmenkollmedaljen
• Birkebeinerrennet
• Simon Slåttvik (ein annan kjend skisportutøvar i Lillehammer Skiklub)
• idrett i Noreg

• Lillehammer Skiklub: Arne Rustadstuens minneløp
• NRK.no: Knuste radioen og ba til Gud (omtale av Arne Rustadstuen med fleire)