Anker er eit mannsnamn som har dansk bakgrunn. I dette toledda namnet, An-ker, tyder forleddet ‘onn’ og etterleddet ‘kar’. Dette namnet har opphavleg vore eit tilnamn med tydinga ‘onnekar’.
Fordi namnet også er eit slektsnamn, stod det på Justisdepartementets liste (1970) over førenamn som ikkje kunne brukast. Dette forbodet vart seinare oppheva.
Eit utval personar med namnet Anker, og som er omtalt i Store norske leksikon:
I perioden 1900–2017 var det omtrent 1100 menn (fødde i Noreg) som hadde Anker som det einaste førenamnet eller som det fyrste av fleire.
Av dei som heitte Anker i perioden 1900–2017, var det 64 prosent som hadde dette namnet som det andre førenamnet, til dømes Tor Anker. Dette inneber at 36 prosent hadde Anker som det einaste førenamnet eller som det fyrste av fleire.
Anker var på topp 1915–1919. Også nokre andre tostava nordiske namn på -ar eller -er hadde toppfasen sin innanfor perioden 1900–1934, til dømes Einar, Reidar, Ottar, Ragnar og Birger.
Anker var mest brukt i Østfold og Vestfold.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.