Faktaboks

Anders B. Werp
Anders Bjørnsen Werp
Fødd
16. desember 1961, Øvre Eiker, Buskerud
Anders B. Werp.
Stortinget.

Anders B. Werp er skogbrukar, tidlegare ordførar i Øvre Eiker og tidlegare stortingsrepresentant for Høgre frå Buskerud i 2009–2017.

Bakgrunn

Anders Bjørnsen Werp er fødd i Øvre Eiker i Buskerud. Han tok skogbruk grunnkurs på Kongsberg i 1977–1979, Bjørkelangen videregående skole i 1979–1980, skogbrukarkurs i Osen i 1980–1981, skogskule på Steinkjer i 1983–1985, Bedriftsøkonomisk Institutt i 1985–1986 og sjefskurs ved Forsvarets høgskole i 2009. Han har arbeidd i ei årrekkje med gards- og skogsarbeid, var tilsett i Drammensdistriktets Skogeierforening i 1987–1988 og arbeidde som økonomikonsulent og næringspolitisk rådgivar i Norges Skogeierforbund i 1989–1999.

Politisk karriere

Werp var medlem i styret for Øvre Eiker Høgre i 1993–1994 og leiar i 1994–1998, representant i Øvre Eiker kommunestyre i 1995–1999 og ordførar frå 1999 til 2009. Han var varamedlem i Buskerud fylkesting i 1995–1999 og medlem i 1999–2007, leiar i Buskerud Høgre i 1998–2008 og medlem frå 2009. Frå 1998 til 2008 var han medlem av sentralstyret i Høgre.

Han var vararepresentant til Stortinget i 1997–2005 og 2017–2021 og stortingsrepresentant for Høgre frå Buskerud i 2009–2017. Han var første nestleiar i justiskomiteen i 2013–2017 etter å ha vore medlem i 2009–2013. Han har vore særleg interessert i justispolitikk, kristne verdiar og kyrkja sin plass i det norske samfunnet.

Andre verv

Werp var leiar av styret for Nasjonalt kompetansesenter for fri programvare AS, Drammensregionen i 2007–2009, medlem av styringsgruppa for Vestregionen, rådet for Drammensregionen og styret for Kongsbergregionen til 2009, og frå 2010 medlem av hovudkomiteen for skiflygings-VM i Vikersund 2012.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg