Alva er eit kvinnenamn som kan vere avleidd av mannsnamnet Alv. Namnet kan også vere kortform av namn på Alv-, til dømes Alvhild.

Namnedag er 3. januar. Alf og Alfred har også namnedag denne dagen.

Personar med namnet Alva

Fyrste namneberar

Den fyrste som vart registrert med namnet, var ein innvandrar frå Sverige: Alva Hansen fødd 1845 i Stockholm, busett på Austre Toten i 1900. Ifølgje «Förnamn i Sverige» av Eva Brylla er den fyrste Alva i Sverige fødd i 1845. Dette er same fødselsår som for «vår» Alva (frå Sverige), og det er truleg tale om same kvinne. Alva har vore mye meir vanleg i Sverige enn i Noreg.

Kjende personar med namnet Alva

Eit utval personar med namnet Alva, og som er omtalt i Store norske leksikon:

Namnestatistikk

I 2022 var det 1 897 kvinner i Noreg som hadde Alva som det einaste førenamnet eller som det fyrste av fleire. I 2022 var det 65 jenter som fekk namnet Alva.

Utvikling i bruk av namnet

Alva høyrer til ei gruppe tostava namn på -a som har toppfasen sin på 2000-talet, til dømes Ada, Dina, Frida, Hedda, Kaia, Lea, Maja, Mia, Nora, Oda, Ronja, Runa, Sanna, Stella, Thea og Ylva. Dette står i motsetning til dei færre tostava namna på -a med to toppfasar – både rundt år 1900 og på 2000-talet – til dømes Emma, Laura, Selma, Ebba og Klara. I tillegg til Alva er desse namna døme på svensk påverknad på namngiving i Noreg: Elin, Linnea, Maj, Maja, Malin, Ronja og Ylva.

Utvikling i bruk av namnet Alva frå 1880
Utvikling i bruk av namnet Alva frå 1880
Av /Store norske leksikon.
Lisens: CC BY SA 4.0

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg