Alfred

Alfred er eit toledda engelsk mannsnamn, Alf-red, der det fyrste leddet tyder ‘alv’, det siste ‘råd’.

Sjå òg Alf.

Popularitet over tid

Namnet vart tatt i bruk tidleg på 1800-talet. I fyrste halvdel av 1800-talet var engelske namn lite brukt, men til liks med nokre andre engelske namn (t.d. Charles, Edvin, Harry, Henry, Johnny, Tom og William) fekk Alfred framgang i siste halvdel av 1800-talet.

Namnet nådde toppen i 1890-åra, men deretter begynte det å gå gradvis tilbake med Alfred. Namnet kom tilbake tidleg på 2000-talet, dvs. ca. 110 år etter toppen i 1890-åra. Alfred kan dermed karakteriserast som eit «tippoldefarsnamn».

Kjente personar med namnet

Namnet var populært i Noreg – og fleire andre land – på slutten av 1800-talet, og dette kan henge saman med at folk sympatiserte med offiseren Alfred Dreyfus (dømt for landsforræderi i Frankrike 1894, frikjent 1906).

Namnedag

Namnedag er 3. januar.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg