Glittertinden
Frå Veodalen er det utsikt mot Glittertiden.
Av .
Lisens: CC BY 2.0

Veodalen er ein dal i Aust-Jotunheimen, i Lom og Vågå kommunar, Innlandet fylke.

Faktaboks

Etymologi
av norrønt viðr, ‘skog’.

Dalen byrjar nedunder Veobrean aust for Leirhøe (2330 moh.) og munnar ut i Sjodalen som ein hengande dal. Dalen er om lag 30 km lang, den øvre delen ligg i Jotunheimen nasjonalpark. I Veodalen ligg Glitterheim turisthytte. Det går bilveg inn dalen frå Randsverk. Den siste delen av vegen inn til Glitterheim opna i 1965.

Gjennom dalen renn elva Veo. Frå Veodalen ned i Sjodalen har elva skore ned ein tilpassingscanyon. Veogjelet er verna som naturreservat. Gjelet har urskognær furuskog med stor artsrikdom. I Veodalen står det høgast veksande bjørketreet som er funne i Noreg, på 1404 moh.

Eit omfattande nett av fangstgraver og bågestille i den nedre delen av dalen ber bod om storstilt og organisert reinsjakt i jernalderen og seinare. I alt er det registrert om lag 500 fangstgraver i Veodalen.

Kart

Veodalen
Veodalen
Av /Statens kartverk.

Les meir i Store norske leksikon

Eksterne lenker

Litteratur

  • Henriksen, Vera: Veodalen : en dal og dens folk, 2001, isbn 82-02-20890-4

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg