С (majuskel), с (minuskel) er ein bokstav i det kyrilliske alfabetet.
Dei kursive formene er С, с.
С, с er grafisk identisk med den latinske bokstaven C, c og vert transkribert som s i norsk og andre språk skrivne med det latinske alfabetet.
С, с har opphavet sitt i den greske bokstaven Ϲ, ϲ (måneforma sigma eller månesigma), som var den mest utbreidde varianten av sigma (Σ, σ/ς) i seinantikken og tidleg mellomalder. Trass i den grafiske likskapen har kyrilliske С, с og månesigma ingen historisk samanheng med den latinske bokstaven C, c, som derimot stammar frå den greske bokstaven Γ (gamma).
Rekkjefylgda i ulike kyrilliske alfabet:
språk | rekkjefylgd |
---|---|
belarusisk | 19. |
bulgarsk | 18. |
makedonsk | 22. |
russisk | 19. |
serbisk | 21. |
ukrainsk | 22. |
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.