Snylterotfamilien, ein plantefamilie innan klassen tofrøblada planter beståande av omlag 2060 artar fordelt på 89 slekter, og er den største parasittiske dekkfrøa plantefamilien.
Faktaboks
- Vitskapeleg namn
- Orobanchaceae
snylterotfamilien
Skjellrot, Lathraea squamaria er ein heilparasitt i snylterotfamilien
Skildring
Familien består hovudsakleg av parasittiske urter, der storparten er snylteplanter som parasitterer røtene til andre planter. Det finst både artar som har eigen fotosyntese (halvparasittar) og artar som ikkje har eigen fotosyntese (heilparasittar) i familien. Det er eit stort morfologisk mangfald innan familien.
Utbreiing
Snylterotfamilien har ei global utbreiing, men med hovudtyngd rundt Middelhavet, i sørlege delar av Afrika, i Himalaya og vestre delar av Nord-Amerika.
Systematikk
| Taksonomisk nivå | Norsk namn | Vitskapleg namn |
|---|---|---|
| Rike | Planteriket | Plantae |
| Rekke | Dekkfrøa blomeplanter | Magnoliophyta |
| Klasse | Tofrøblada blomeplanter | Eudicots |
| Orden | Leppeblomstordenen | Lamiales |
| Familie | Snylterotfamilien | Orobanchaceae |
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.