Aruncus dioicus, skogskjegg. Foto frå: Sjørup V.f. Farsø
Skogskjegg er ei fleirårig urt i skogskjeggslekta i rosefamilien. Planten blir 1–2 meter høg og blømer med gulkvite blomar i ein stor topp i juni–juli. Skogskjegg er svartelista i Noreg.
Skogskjegg er ei fleirårig urt som blir 1–2 meter høg. Plantane er særbu, med eigne hann- og hoplantar. Blada er finnete. Dei femtalige blomane er gulkvite, og hannplantane har mange pollenberarar i blomen. Fruktblada hos hoplantane dannar kapselfrukter.
Skogskjegg har vorte dyrka som prydplante.
Skogskjegg stammar frå Nordaust-Asia og det vestlege Nord-Amerika. I Noreg blir skogskjegg dyrka som hageplante og eller funne naturalisert i næringsrik skog i låglandet austanfjells og langs kysten til Trøndelag. Planten er i sterk spreiing, og kan etablere tette bestandar som utkonkurrerer andre plantar fullstendig.
Skogskjegg trivst i fuktig, næringsrik jord i full sol til halvskugge. Stauden er hardfør til H8.
Skogskjegg er oppført på Artsdatabanken si Framandartliste og utgjer ein svært høg økologisk risiko i Noreg.
Aruncus dioicus, skogskjegg. Foto frå: Sjørup V.f. Farsø
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.