Stillehavet
Stillehavet
Lisens: CC BY SA 3.0

Polynesiske språk er ei gruppe med rundt 40 språk som i hovudsak blir tala i Polynesia, New Zealand og delar av Melanesia. Dei mest kjende er samoisk, tongisk, tahitisk, hawaiisk og maori (New Zealand). Dei polynesiske språka utgjer ei undergruppe i den malayopolynesiske greina av den austronesiske språkfamilien.

Faktaboks

Uttale
polynˈesiske språk

Språka blei utforska, skriftfeste og tatt i bruk av misjonærar. Samoisk og tongisk er nasjonalspråk i Vest-Samoa og Tonga.

Meir om slektskapstilhøva

Meir nøyaktig kan dei polynesiske språka plasserast slik i den austronesiske språkfamilien:

  • Polynesisk er ei grein av dei sentrale stillehavsspråka.
  • Dei sentrale stillehavsspråka er ei grein av oseanisk.
  • Oseanisk er ei grein av sentral-aust-malayopolynesisk.
  • Sentral-aust-malayopolynesisk er ei grein av malayopolynesisk.
  • Malayopolynesisk er ei grein av austronesisk.

Meir detaljar finst i artikkelen austronesiske språk.

Språkstruktur

Dei polynesiske språka har eit svært enkelt konsonantsystem. Tabellen under viser vokal- og konsonantfonema i tre polynesiske språk — samoisk, hawaiisk og maori, med nokre detaljar i den fonetiske realiseringa utelatne. I desse språka inneheld ei staving anten berre ein vokal eller ein konsonant pluss ein vokal. Ingen konsonantar kan stå sist i ei staving.

Grammatiske forhold blir mest uttrykte gjennom affiks og partiklar.

Tabell 1. Vokalar og konsonantar i tre polynesiske språk
Vokalar og konsonantar i tre polynesiske språk, fonem mellom skråstrekar /…/, grafem utan skråstrekar,
Tabell 1. Vokalar og konsonantar i tre polynesiske språk
Lisens: CC BY SA 3.0

Les meir i Store norske leksikon

Litteratur

  • Lynch, John 1998. Pacific languages. An introduction. Honolulu: University of Hawai'i Press.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg