Paleografi er vitskapen om gamle skriftartar og deira historiske utvikling, om skrivereiskaper, skrivemateriale og liknande. Paleografien blir delt inn etter opphavet til skriftteikna, for eksempel i orientalsk paleografi (gamalegyptisk, koptisk, arabisk, indisk), gresk paleografi, latinsk paleografi og så vidare.

Faktaboks

Uttale
paleografˈi

Som vitskapsgrein har paleografien utvikla seg frå diplomatikken. Medan epigrafikk tek for seg innskrifter som er hogde eller rissa inn på hardt materiale, tek paleografien for seg skrift på papyrus, pergament, papir og liknande, og dessutan skrift på potteskår (ostraka, særleg brukt i Egypt og Hellas), tynne metallplater (ofte magiske tekstar), og private, meir eller mindre tilfeldige inskripsjonar på husvegger og liknande (såkalla graffiti, for eksempel i Pompeii).

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg