Global produksjon av jordbær, 1961-2021

1961 754516
1962 737267
1963 785138
1964 912792
1965 956733
1966 1103519
1967 1164297
1968 1152261
1969 1126378
1970 1232747
1971 1215300
1972 1172859
1973 1341924
1974 1386516
1975 1318064
1976 1359716
1977 1535265
1978 1681937
1979 1729296
1980 1795525
1981 1751007
1982 1859679
1983 1871421
1984 1912388
1985 2024796
1986 2104502
1987 2436289
1988 2383006
1989 2461058
1990 2462167
1991 2493874.17
1992 2514710.01
1993 3291084.92
1994 3491955.83
1995 3684705.47
1996 3698293.71
1997 3776115.01
1998 3979148.86
1999 4402247.6
2000 4578435.71
2001 4579006.14
2002 4728602.98
2003 5157215.63
2004 5610040.88
2005 5849359.89
2006 5926034.33
2007 5781919.97
2008 6100418.77
2009 6522912.46
2010 6284353.19
2011 6377556.57
2012 6975025.97
2013 7436909.19
2014 7636210.29
2015 8221262.84
2016 8039394.77
2017 8243750.52
2018 8538477.07
2019 9012638.91
2020 8893590.77
2021 9175384.43
Kilde: FAOSTAT
Viltveksande jordbær. Foto Merete Veian. Lisens: CC By SA 2.0.
.
Lisens: fri
Jordbær i blomst. Foto: Randi Hausken. Lisens CC BY SA 2.0
.
Lisens: fri

Jordbær er ei planteslekt i rosefamilien med frukter som er etande. Frukta, jordbæret, er ei hjelpefrukt med smånøtter. Det finst omtrent 17 artar i jordbærslekta. Artane er fleirårige urter, og mange av dei vert dyrka for frukta. To artar i slekta finst naturleg i Noreg, markjordbær og nakkebær.

Faktaboks

Vitskapeleg namn
Fragaria
Beskriven av
Carl von Linné
Årleg global produksjon
9,2 millioner tonn (2021)
Årleg norsk produksjon
6 300 tonn (2021)

Skildring

Jordbær har trekopla, rosettstilte blad . Plantane har femtalige blomar med kvite kronblad og dobbelt beger. Dei har mange pollenberarar og mange frie fruktblad, som dannar mange smånøtter. Det etande jordbæret er ein oppsvulma og saftig blomebotn, ei hjelpefrukt, der dei eigentlege fruktene, smånøttene, sit utanpå som små, grøne prikkar. Jordbær kan spreiast både vegetativt, i form av krypande, overjordiske utløparar, og seksuelt, i form av å setja frø.

Utbreiing

Jordbær veks på den nordlege halvkula og i Andesfjella. I Noreg finst to viltveksande artar: markjordbær og nakkebær. I tillegg finst moskusjordbær, virginiajordbær, chilejordbær og hagejordbær forvilla i naturen. Hagejordbær blir dyrka over heile Noreg.

Bruk

Jordbær med fløyte
Jordbær med fløyte er ein tradisjonell norsk dessert.
Av /TINE mediebank.

Jordbær blir dyrka for frukta, og blir mellom anna brukt til å laga syltetøy og saft. Jordbær er også populært som dessertfrukt.

Jordbær blei brukt i folkemedisinen som middel mot frostknutar, og blir nemnt i eldre legebøker som innvendig råd mot steinsmerter. Utpressa saft av markjordbær blei brukt saman med salt på gamle sår.

Hagejordbær

Jordbær

Jordbær

Jordbær
Av /※.
Jordbær i kurv
Jordbær er et vanlig bær som også dyrkes i Norge.
Av .
Lisens: CC BY SA 2.0

Fragaria x ananassa er felles namn for mange kulturformer som har oppstått ved kryssing mellom utanlandske artar. Desse kan dyrkast over nesten heile Noreg og på all slags jord, men plantane er ikkje særleg hardføre. Dei viktigaste sortane er 'Jonsok', 'Glima', 'Zefyr' og 'Honeoye' som modnar tidleg, og 'Senga Sengana', 'Korona' og 'Bounty' som modnar litt seinare. Døme på sortar som blir importerte, er 'El Santa' og 'Selva' frå mellom anna Spania og Belgia, og 'Marmolada', 'Camarosa' og 'Miranda' frå Italia.

Månadsjordbær

Fragaria vesca var. semperflorens er gruppenamnet for småfrukta, velsmakande sortar. Desse sortane formeirar seg ved frø og avleggjarar, og blir dyrka i hagar som mellom anna kantplantar. Dei blømer og set frukt utover heile sommaren.

Næringsinnhald

Hagejordbær inneheld cirka 69 milligram C-vitamin, 197 milligram kalium, 88 prosent vatn og 165 kilojoule tilførte energi per 100 gram etande vare.

Jordbærsortar

Namn Brukstid Kvalitet Fruktstorleik, farge og bereevne Andre opplysningar
Bounty Første del av juli God Stor, mørk raud, ber rikt Konsum- og konservbær, seinare enn Senga Sengana
Glima Siste del av juni God Under middels, middels raud, ber rikt Konsumbær, svak mot tørke, passar på Vestlandet og i Nord-Noreg
Jonsok Siste del av juni God Under middels, mørk raud, ber svært rikt Konsum- og konservbær, kraftig smak, toler sending
Korona Middels tidleg Konsumbær Stor, kjegleforma, mørk raud, ber svært rikt Viktigaste sort til frisktkonsum
Senga Sengana Første del av juli God Middels til stor, mørk raud, ber svært rikt Konsum- og konservbær, kraftig smak, toler sending, viktigaste handelssort
Zefyr Siste del av juni Middels god Først stor, seinare liten, mørk raud, ber rikt Konsumbær og til frysing, viktigaste sort nordpå
Månadsjordbær: Alexandria, Baron Solemacher, Rügen Om sommaren og utover hausten Variabel Liten, mørk raud, ber over lang tid Konsumbær, god aroma, kombinert pryd- og nytteplante, lite brukt i Noreg

Les meir i Store norske leksikon

Faktaboks

jordbær
Fragaria
Artsdatabanken-ID
103312
GBIF-ID
3029779

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg