huso

Huso kan bli opptil åtte meter lang, og det er rapportert om vekt på over tre tonn. Slike store eksemplar finst knapt i dag, først og fremst på grunn av hardt fiske.

Huso er den største størarten og ein av dei største ferskvassfiskane i verda. Arten vert rekna for verdas lengste beinfisk.

Belugastør lever no hovudsakleg i Svartehavet og Kaspihavet, medan han tidlegare òg var vanleg i Adriaterhavet og Azovhavet.

Arten er imidlertid blitt sjelden på grunn av utstrakt overfiske, og store fiskar finst nesten ikkje meir.

Hannane blir ikkje gytemodne før dei er 10–15 år gamle, og hoene først når dei er 15–18 år. Dei viktigaste gyteelvene er Donau og Volga.

Som ei følgje av tapte gyteområde og overfiske er arten gått sterkt tilbake, og han står i dag på IUCN (Verdsnaturvernunionen) si liste over truga fiskeartar.

• stører