Blåveis er ei fleirårig urt i soleiefamilien. Han er ein vanleg vårblom.
Faktaboks
- Også kjend som
- blåsymre
- Vitskapeleg namn
- Hepatica nobilis
- Beskriven av
- Philip Miller
- Raudlistestatus i Noreg
- LC – Livskraftig
Blåveis er ei fleirårig urt i soleiefamilien. Han er ein vanleg vårblom.
Blåveis er vanleg i skog og kratt på kalkrik grunn på Austlandet og i Trøndelag, men manglar nesten heilt på Vestlandet.
Planta er fylkesblom i Akershus fylke, og variantar av blåveis vert dyrka i hagar. I eldre tid vart planta nytta som medisinplante mot leversjukdommar. I folkemedisinen har uttrekk av blåveisblad vore nytta mot bronkitt og som urindrivande middel.
«Blåveispiken» er ei kjent vise av Arne Paasche Aasen som opnar slik: «Jeg går og rusler på Ringerike, på stille stier jeg sjelden går. Da kommer mot meg en liten pike, en lubben unge på fem, seks år. Hun bærer blåveis i sine hender»
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.