Atomnummeret er det same som talet på proton i atomkjernane i eit grunnstoff. I periodesystemet er grunnstoffa ordna etter atomnummeret.
Faktaboks
- Også kjend som
-
kjerneladningstall, protontall
Atomnummeret veks med éi eining for kvar plass ein går utover i periodesystemet. Det er 1 for hydrogen, 6 for karbon, 8 for oksygen, 26 for jern og 82 for bly og så vidare.
I eit nøytralt atom er talet på elektron lik atomnummeret.
For å definere talet på partiklar eit atom består av, treng ein å oppgi både atomtalet og massetalet. Massetalet er lik summen av atomnummeret og nøytrontalet, som er talet på nøytron i kjernen.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.