Vistehola er ei hole i Randaberg, om lag ti kilometer nordvest for Stavanger. Vistehola er ein av dei best kjende buplassane frå norsk steinalder.
Faktaboks
- Også kjend som
- Svarthola
Vistehola blei først undersøkt i 1907 og 1910, seinare i 1939 og 1941. Hola har vore nytta som buplass av fangstfolk, og det meir enn éin meter tjukke kulturlaget dannar i alt fire sjikt etter ulike busetjingsperiodar. Den største funngruppa omfattar jakt- og fiskereiskapar av stein, horn og bein, forutan måltidsrestar som skal og dyrebein. Det yngste busetjingslaget skriv seg frå jernalderen. Dei andre er frå eldre og yngre steinalder (mesolittisk og neolittisk tid).
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.