Øyri, Viksøyri
Hopperstad (Hoprekstad) stavkirke.
Vikøyri er ein tettstad i Vik kommune i Vestland. Tettstaden er ifølgje SSBs definisjon 1,4 km², og har 1212 innbyggjarar (2023).
Vikøyri er administrasjonssenter i Vik kommune, og ligg ved utløpet av Viksvassdraget på sørsida av Sognefjorden. Vikøyri er ein gammalt strandsitjarstad.
Vikøyri.
Vik Ørsta AS produserer vegsikringsutstyr, næringsmiddelindustri (meieri, trevareindustri og annan småindustri). Tine Vik Meieri er det einaste meieriet som produserer gammalost i Noreg og heile verda. Vik fengsel er det einaste fengselet i gamle Sogn og Fjordane, og har nybygg frå 2008 og 2009. Vikøyri har òg ein del turisttrafikk. Ved tettstaden ligg Hove kraftverk i Viksvassdraget (60 MW).
Vik kyrkje er ei langkyrkje i tømmer frå 1877 med Hakon Thorsen som arkitekt. I utkanten av tettstaden i sør ligg to mellomalderkyrkjer: Hove kyrkje er ei steinkyrkje i romansk stil frå omtrent 1150. Kyrkja er i kleberstein frå Arnafjorden. Hoprekstad kyrkje er ei stavkyrkje frå rundt 1130.
Brannen på Vikøyri i 1838, då 294 hus brente ned, er blant dei største brannane i Noreg i nyare tid. Bygda vart ramma av ny storbrann i 1922, då 39 hus brente ned.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.